Redenaars

Afrigters

Organiseerder Grondslagfase: Adiska du Preez

Graad 4 – 7 Koördineerder: Anize Koetsier

Belangstellende redenaars vanaf Graad 4 – 7 oefen tydens die eerste en vierde kwartale in die sportperiodes. Daar “brainstorm” ons oor die temas, stel breinkaarte op met moontlike onderwerpe en begin skryf aan die eerste “draft ” van ons toesprake. Daarna is dit oorskryf, doodtrek, weer skryf en wéér oorskryf totdat ons uiteindelik tevrede is. Nou is dit tyd om voor die spieël te oefen met die kaartjies tot ons die toesprake ken.

Tydens die tweede kwartaal vind die Laerskool Paarl Gimnasium Redenaarskompetisie en ATKV kompetisie plaas. ‘n Hele klomp redenaars neem deel. Individuele deelname aan “Oppi Tong” kompetisie vind ook tydens hierdie kwartaal plaas.

In die derde kwartaal het ons, ons jaarlikse Redenaarsfees, waar vyf ander skole genooi word om deel te neem. Vanjaar het ons skoonskip gemaak in die seniorafdeling met ‘n eerste-, tweede én derde plek. Ook in die junior afdeling het ons ‘n tweede plek behaal.

Intergraad Redenaars 2021

Gedurende die eerste kwartaal het die Intergraad Redenaars plaasgevind.  Veels geluk aan die volgende graadwenners:

Gr.4 – Hannah Kemp
Gr.5 – Sonja Swanepoel
Gr.6 – Julia Barry
Gr. 7 – Annebelle Spies

Hieronder is foto’s van die deelnemers.