Nasorg

Laerskool Stellenbosch Nasorgsentrum

Navrae:                  Lynette Alberts
E-pos:                   kennylynette5@gmail.com
Faks:                      021 887 6956
Telefoon:               061 483 6298

 

Ons is bly dat u besluit het om u kind aan ons sorg toe te vertrou.   Dit is vir ons ’n groot voorreg om ook deel van sy/haar opvoeding te wees.  As mede-opvoeders, sal ons probeer om te alle tye die belange van u kind voorop te stel.  Ons nooi u dus uit om, met vrymoedigheid, enigiets met ons te bespreek.  Dit is vir ons baie belangrik dat daar goeie kommunikasie sal wees sodat die kinders daarby kan baat.

Hier volg kortliks ’n uiteensetting van wat die Nasorg van Laerskool Stellenbosch behels:

 

NASORGTYE

  1. Die Nasorg vir leerders is oop op die volgende tye:

Maandag tot Donderdag:
Graad 1 en 2:             13:15 – 17:30
Gr. 3:                           13:30 – 17:30
Gr. 4 – 7:                     13:55 – 17:30

Vrydae:
Sluit die Nasorg om 17:00 vir alle leerders.
Daar sal geen Nasorg  wees op die laaste dag van elke kwartaal nie.

  1. Die Nasorg sluit stiptelik om 17:30 (Vrydae – 17:00) en die Nasorgpersoneel verlaat dan die perseel. Enige Nasorgleerder wat dan nog nie afgehaal is nie is die ouer se eie  verantwoordelikheid. Indien u met mev. Alberts reël, by selfoon 061 483 6298, kan ons in geval van nood, u tegemoetkom.  ’n Bedrag van R10,00 per elke vyf minute sal egter gehef word indien leerders na 17:30 en Vrydae na 17:00 afgehaal word.   Hierdie reëling sal streng toegepas word.
  2. Die Nasorg sal gedurende skoolvakansies en openbare vakansiedae gesluit wees. Indien daar ’n vakansieprogram aangebied word, sal u betyds in kennis gestel word van datums en fooie. Vakansie-nasorg moet vooruit betaal word en sal slegs oorweeg word indien daar meer as 10 kinders bespreek.

Kliek hier om die Nasorgaansoekvorm af te laai.

Vriendelike groete

 

LYNETTE ALBERTS                                                          HAWKIE DE VILLIERS

NASORGHOOF                                                                    SKOOLHOOF